Sunday, January 8, 2012
CloudOn បង្កើត, អានឯកសារ Office Word, Excel, PowerPoint នៅលើ iPad
ចំណាត់ក្រុម៖
iOS,
អត្ថបទផ្សេងៗ
iPad ជាប្រភេទឧបករណ៍ចល័តមួយដូចកុំព្យូទ័រ ដែលមានការពេញនិយមនៅក្នុងពិភពលោក។ ពេលនេះអ្នកអាចប្រើប្រាស់កម្មវិធី Microsoft Office 2010 នៅលើឧបករណ៍ iPad របស់អ្នកបានហើយ ដោយប្រើប្រាស់ CloudOn។ កម្មវិធីនេះ អាចបើកឯកសារ Office មួយចំនួនដូចជា Word, Excel, និង PowerPoint ដែលមានមុខមាត់ដូចទៅនិង Microsoft Office ដែរ។
ដើម្បីចាប់ផ្ដើម ដំបូវអ្នកត្រូវមានគណនីរបស់ CloudOn ជាមុនសិន។ កម្មវិធីនេះប្រើប្រាស់នូវ Cloud Storage Service, Dropbox។ យើងបង្កើតគណនីរបស់កម្មវិធីតាមវិធីទាំងពីរនេះ។ ទី១៖ អ្នកត្រូវផ្ដល់អាស័យដ្ឋានសារអេឡិចត្រូនិចរបស់អ្នកទៅកាន់ CloudOn បន្ទាប់មកជ្រើសរើសលេខសំងាត់។ នៅពេលដែលអ្នកបញ្ចប់ចំនុចទី១ អ្នកនិងត្រូវបានសួររកនូវគណនីរប់ស Dropbox របស់អ្នកដើម្បីប្រើប្រាស់ជាមួយកម្មវិធីនេះ (សូមកុំបារម្ភប្រសិនបើអ្នកមិនមានគណនីរបស់ Dropbox នោះទេ កម្មវិធីនេះអាចបង្កើតអោយអ្នកបាននៅពេលដែលអ្នកដំឡើងគណនីរបស់កម្មវិធី)។ នៅពេលដែលអ្នកបញ្ចប់ការចុះឈ្មោះ អ្នកអាចចាប់ផ្ដើមប្រើប្រាស់កម្មវិធីនេះបាន ដោយដំបូងឡើយកម្មវិធី និងបង្ហាញអំពីរបៀបប្រើប្រាស់ដល់អ្នក។ ប្រសិនបើអ្នកចង់បើកឯកសាររបស់អ្នកតាមរយៈ CloudOn អ្នកគ្រាន់តែផ្ទកឯកសាររបស់អ្កទៅ កាន់ Dropbox របស់អ្នកបន្ទាប់មកចូលបើកឯកសាររបស់អ្នកតាមកម្មវិធីនេះ។
ចំនុចមួយទៀតដែលសំខាននោះគឺ អ្នកប្រើប្រាស់អាចបង្កើតឯកសារថ្មីដោយប្រើប្រាស់កម្មវិធី ផ្ទាល់។ នៅពេលដែលអ្នកចុចលើប៊ូតុង New នៅផ្នែកខាងលើនៃកម្មវិធី អ្នកមានជំរើសចំនួនបី ថាតើអ្នកចង់បង្កើតឯកសារប្រភេទអ្វី (Word, Excel ឬ PowerPoint)។ រាល់កម្មវិធី គឺមានលក្ខណដូចទៅនិងកម្មវិធីដែលដំណើរការនៅលើប្រព័ន្ធកុំព្យូទ័រដែរ ដូច្នេះហើយអ្នកមិនមានការលំបាកនៅក្នុងការប្រើប្រាស់កម្មវិធីនេះឡើយ។
ចំពោះការប្រើប្រាស់ Excel វិញគឺរឹតតែមានភាពងាយស្រួល ហើយកម្មវិធី អាចប្រើប្រាស់បានគ្រប់ឯកសាររបស់ Excel។ រាល់ឯកសារដែលបង្កើតដោយ CloudOn និងត្រូវបានរក្សារទុកនៅក្នុង Dropbox របស់អ្នក ហើយកម្មវិធីក៏មានការរក្សាទុកឯកសារដោយខ្លួនឯងផងដែរ ដូចនេះអ្នកមិនចាំបាច់ខ្លាចបាត់បង់ឯកសាររបស់អ្នកឡើយ។ ចំពោះការប្រើប្រាស់អ្នកអាចទាញយកនៅទីនេះបាន។
ចុះមានកម្មវិធីអានឯកសារ iPad នៅលើ Window ទេ? រឹ កម្មវិធីបំលែង ពីឯកសាររបស់ iPad ទៅ ឯកសាររបស់ Window ក៏បាន ខ្ញុំចង់បានវាមកប្រើ :D
ReplyDeleteតើមានកម្មវិធីអានឯកសារ iPad នៅលើ window ទេ?
ReplyDelete