Thursday, January 12, 2012
NetSpeedMonitor: ពិនិត្យរាល់ការ ទាញនិងផ្ទុកទិន្នន័យពីអ៊ីនធឺណិតនៅលើ Taskbar
NetSpeedMonitor: គឺជាកម្មវិធីមួយសម្រាប់គ្រប់គ្រង បណ្ដាញ Network របស់អ្នកដែល កម្មវិធីនេះចាប់យើនូវរាល់ទិន្នន័យ នៃល្បឿនការទាញយក និង ល្បឿននៃការផ្ទុកទិន្នន័យទៅ លើអ៊ីនធឺណិត ហើយថែមទាំងបង្ហាញអំពីចំនួននៃការទាញយកទាំងអស់របស់អ្នកទៀតផង។ អ្វីដែលពិសេសនោះគឺកម្មវិធីនេះដំណើរការនៅលើ Taskbar ដោយមិនចាំបាច់មានផ្ទាំងកម្មវិធីដើម្បីបង្ហាញព័ត៌មាននោះឡើយ។ យើងអាចកំណត់កម្មវិធី អោយបង្ហាញ អត្រានៃការផ្ទេរទិន្នន័យបានដោយមានច្រើនជំរើស ដូចជា Kbit/s, Mb/s, Mb/m, MiB/m, ល.។ កម្មវិធីនេះអាចរក្សាររាល់ព័ត៌មានដែលស្ដីអំពីការទាញយកទិន្នន័យរបស់អ្នក ហើយនិងអាចបង្ហាញនូវរបាយការណ៍ប្រចាំខែទៀតផង។
នៅ ពេលដំណើរការកម្មវិធីនេះ ដំបូងវានិងស្នើរព័ត៌មានខ្លះអំពីការប្រើប្រាស់។ ដោយនៅចំនុចនេះអ្នកគ្រាន់តែជ្រើសរើស ភាសា, ជ្រើសរើសបណ្ដាញរបស់អ្នក ហើយបន្ទាប់មកជ្រើសរើស "Enable Traffice Logging" ប្រសិនហើយយើងចង់ប្រើមុខងារនេះ។
បន្ទាប់ពីធ្វើការកំណត់រួចរាល់ កម្មវិធីនិងបង្ហាញព័ត៌មាននៅលើ Taskbar នៃកុំព្យូទ័ររបស់អ្នក។ ដោយគ្រាន់តែយកកណ្ដុររំកិលដាក់ទៅលើកម្មវិធី នោះវានិងបង្ហាញផ្ទាំងមួយ ដែលជាព័ត៌មាននៃការប្រើប្រាស់របស់អ្នក ក្នុងមួយខែ, និងសម្រាប់ការប្រើប្រាស់នៅក្នុងថ្ងៃនេះផងដែរ។
ចុចកណ្ដុរខាងស្ដាំរបស់អ្នកលើផ្ទាំងបង្ហាញព័ត៌មាននេះ បន្ទាប់មកជ្រើសរើស ប្រភេទបណ្ដាញដើម្បីបង្ហាញ ព័ត៌មាន, របាយការណ៍នៃការ ផ្ញើរ, ទទួល និង ព័ត៌មានសរុបអំពីការផ្ទេទិន្នន័យរបស់អ្នកដែលបានប្រើប្រាស់ នៅក្នុងមួយថ្ងៃ ឬ ក្នុងមួយខែ។ របាយការណ៍នេះបង្ហាញជា Byte, Kilobyte, Megabyte, ហើយនិង Gigabyte។
អ្នកអាចទាញយកកម្មវិធីនេះបាន នៅទីនេះ ដោយឥតគិតថ្លៃ។ សូមអរគុណ។
Subscribe to:
Post Comments (Atom)
No comments:
Post a Comment